EDU DETTO

Geroep vir 'n toekoms

Edu Detto is ‘n gespesialiseerde kurrikulum vir akademies bekwame leerders wat meer individuele aandag en holistiese ontwikkeling geintegreer met die akademiese kurrikulum benodig of selfs net verkies. Die Edu Detto bategebaseerde Onderrigkurrikulum by Laerskool Goedehoop verteenwoordig ‘n baanbrekende geleentheid om in leerders se akademiese en persoonlike groei te belê. Hierdie innoverende program fokus op die benutting van leerders se sterkpunte om hulle te help floreer as onafhanklike, selfversekerde en goed-ontwikkelde individue.

PROSPEKTUS

ONS PERSONEEL

ONS VISIE EN MISSIE

VISIE

Ons streef daarna om met ‘n bate-gebaseerdebenadering elke leerder te ondersteun met ‘n leeromgewing wat sal lei tot die optimalisering van sy/haar potensiaal.

MISSIE

Edu Detto is verbind daartoe om

onderwys aan leerders te bied wat hul ondersteun in hul bepaalde leerbehoeftes;
daarna te streef om die akademiese druk van leerders te verminder en hul uniekheid optimaal te ontwikkel;
te poog om die leerder se sterkpunte te gebruik om sy/haar leerbehoeftes aan te spreek;
om sover as moontlik aanpassings in die klaskamer en onderrig te maak vir maksimale skolastiese funksionering;
om individuele en groepsverwante terapeutiese ondersteuning aanleerders te bied;
emosionele en geestelike groei van die leerders te bevorder

Kurrikulum ONS GEE OM

‘n Gespesialiseerde kurrikulum ontwerp vir leerders om hulle te help floreer op akademiese, sosiale en emosionele gebied. Holistiese ontwikkeling, individuele aandag en ondersteuning en opvoedkundige leiding van verskeie ontwikkelingsterapeute word ingebou in die kurrikulum om sodoende die leerders se sterkpunte te gebruik om aan enige uitdagings te werk. Hierdie gespesialiseerde kurrikulum is eksklusief beskikbaar by Laerskool Goedehoop.

Edu Detto se doel is om pragtige “Young Minds” volledig te ontwikkel en hulle voor te berei vir die blink toekoms waarvoor hulle geroep is.

Die kurrikulum is veral geskik vir leerders met goeie potensiaal wat sal baat by:

Meer individuele aandag in kleiner klasse.
Gespesialiseerde leiding deur ‘n hoogs gekwalifiseerde ondersteuning-span.
Leerders wat sal baat by ondersteuning met sensoriese prosesserings-, konsentrasie- angs, sosiale of emosionele uitdagings.

DIE VEILIGHEID VAN STANDVASTIGE STRUKTUUR ONS BELEIDE EN RIGLYNE

Edu Detto beskik oor vasgestelde beleide en riglyne waarvolgens die skool funksioneer. Ons weet dat hierdie noodsaaklike dokumente die nodige gestruktureerde omgewing en raamwerk skep waarin ons ons passie met kreatiwiteit uitleef.